香港選美的浩劫

作為國際選美的資深粉絲, 每個選美活動必定會留意, 最矚目的Miss World同Miss International正式開鑼, 我更加打醒十二分精神。

而今年香港的代表分別為應屆港姐亞軍朱希敏及季軍許亦妮,  水準係近年之冠, 尤其係Whitney許亦妮。一覽國際權威選美網站Global Beauties, 我有條件相信: 許亦妮可以憑佢美貌, 可以繼1987年香港小姐林頌嫻之後, 第二位成功為香港在[國際小姐]勇奪最上鏡小姐嘅香港代表!

但......不幸的事就此發生( #｀Д´) 一切全因偉大功臣﹣香港小姐服裝總監Karen Chan的一大功勞! 專責香港小姐出國選美的她, 經她手的服裝大多是經典「傑」作。

以免引起觀眾情緒不安, 請大家做好心理準備! 首先許亦妮身上的民族服裝猶如「稻香酒樓」知客, 橙色的旗袍款式十分老土過時, 而且衫身完全無cutting兼不修身, 令人不堪入目! Ｗhere is the gimmick?

另一位受害人﹣應屆港姐亞軍朱希敏。她本身具備高佻的身段, 而且蠻有台型, 絕對可以與海外佳麗一較高下, 但Karen Chan筆下的晚裝, 令朱希敏化身成一支香檳。一件晚裝多layer到不能接受, 藍色layer簡直畫蛇添足, 再配搭星星圖案, 震撼非常! 肩頭上的綠色一團糟十分 BAD TASTE。微博fans更形容「嗰件似唔夠布用個防塵袋駁長，都唔夠再用張床冚頂住先...」 

 以四個字作為總結:「終極肉酸」
陳小姐, 請你不要蹂躪這班高質素的港姐, 好嗎？